ⵜⴳⴰ ⵜⴰⵡⵉⵜ ⴳ ⵜⵎⵙⴰⵔⵉⵏ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⵜⴰⵔⵙⵍⵜ ⵜⴰⴷⵙⵍⴰⵏⵜ ⵏ ⵜⵙⵜⵕⴰⵜⵉⵊⵉⵜ ⵜⴰⵎⵙⵙⵉⴷⴼⵜ ⵏ ⵓⵃⵟⵟⵓ ⵏ ⵜⵎⴽⵜⵉⵜ, ⵏⵏⵉ ⵉⵜⵜⵓⵙⵖⵣⵏⵏ ⴰⵙⴳⴳⵯⴰⵙ ⵏ 2019 ⴳ ⵓⵙⴰⵜⵉ ⵏ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴳ ⵜⵙⴳⴰ ⵏⵏⵙ ⵉⵣⴷⵉⵏ ⵙ ⵓⴼⵔⴰⴳ ⵓⵎⵏⵉⴳ ⵏ ⵜⵎⴽⵜⵉⵜ ⴷ ⵓⵙⵓⵜⴳ ⵏ ⵓⵎⵣⵔⵓⵢ ⴰⵎⵖⵔⵉⴱⵉ ⵙ ⵇⴰⵃ ⵜⵉⵎⵓⵖⵍⵏ ⵏⵏⵙ, ⵙ ⵜⴰⵡⵉⵜ ⴳ ⵓⵙⵏⵎⴰⵍⴰ ⵏ ⵜⵎⵃⴹⵉⵜ ⵜⴰⴳⵯⵏⵙⴰⵏⵜ ⴷ ⵓⵙⴷⵖⵉ ⵏ ⵜⵎⵢⴰⵇⵇⴰⵏⵉⵏ ⵉⵜⵜⵓⵙⴳⵎⴹⵏ ⴰⴽⴷ ⵉⵎⴷⵔⴰⵡⵏ ⴰⴽⴽⵯ ⴷ ⵜⴰⵣⵣⴰⵣⵜ ⵏ ⵓⵙⵖⵍ ⵏ ⵓⵙⵏⴼⵍ ⵏ ⵉⵖⵣⵓⵜⵏ ⵣⵡⴰⵔⵏⵉⵏ ⵙ ⵉⴷⵖⴰⵔⵏ ⵏ ⵓⴼⵔⴰⴳ ⵏ ⵜⵎⴽⵜⵉⵜ ⴷ ⵓⵙⵎⵏⵉⴷ ⵏ ⵉⵙⵖⵍⴰⴼ ⵉⵥⵍⵉⵏ ⵙ ⵉⵙⵍⴳⵏⵏ ⵉⵣⴷⵉⵏ ⵙ ⵜⵙⵏⵏⵉⵖⵉⵏ ⴷ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏⵏⵉ ⴷ ⴷⴰⵔ ⴰⵣⴷⴰⵢ, ⴷ ⵓⵙⵢⵉⵍⵉ ⵏⵏⵙ ⵉ ⵓⴼⵔⴰⴳ ⵏ ⵜⵎⴽⵜⵉⵜ ⴷ ⵜⴰⵡⵉⵜ ⴳ ⵓⵎⵣⵔⵓⵢ ⴳ ⵓⵎⵏⴰⴷ ⵏⵏⵙ ⵉ ⵓⵣⵓⵔⵜ ⴰⵏⴳⵎⵓ.
ⵏⵣⵎⵔ ⴰⴷ ⵏⵙⵎⵓⵏ ⵜⵉⴼⵔⴰⵙ ⵜⵉⵎⴰⵜⴰⵢⵉⵏ ⵏ ⵜⵙⵜⵕⴰⵜⵉⵊⵉⵜ ⴰⴷ ⴳ :
1. ⴰⴹⴼⴼⵓⵕ ⵏ ⵜⵡⵓⵔⵉⵡⵉⵏ ⵏ ⵓⵙⵏⴼⵍ ⵏ ⵉⵖⵣⵓⵜⵏ ⴰⵔⵓⵍⴳⵉⵏⵏ ⵣⵔⵉⵏⵉⵏ ⵙ ⵉⵙⴰⵢⵔⴰⵔⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⵏⵏⵉ ⵉⴼⵔⴰⴳⵏ ⵜⵉⵎⴽⵜⵉⵜ ⵙ ⵜⵡⵉⵍⴰ ⵜⴰⵎⵙⵢⴰⴼⵓⵜ ⴳ ⵢⵉⴳⵔ ⴰⴷⵍⵙⴰⵏ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⵙ ⴰⵢⵍⵍⵉ ⵔⴰⴷ ⵢⴰⵡⵙ ⵙ ⵜⵡⵉⵍⴰ ⵜⴰⵎⵢⴰⴳⴰⵏⵜ ⴳ ⵓⴼⵔⴰⴳ ⵏ ⵜⵎⴽⵜⵉⵜ ⵏ ⵡⵓⵏⴳⵉⵙⵏ ⴷ ⵡⴰⴷⴷⵓⵔ ⵏ ⵉⵎⵣⴷⴰⵖⵏ. ⵙⴳ ⵉⵙⵏⴼⴰⵕ ⵏⵏⵉ ⵅⴼ ⵉⵙⵙⵓⵜⵉ ⵓⵙⵇⵇⵉⵎ ⵙ ⵜⵣⴷⴰⵢⵜ ⴷ ⵉⵎⴷⵔⴰⵡⵏ ⵏⵏⵙ :
- ⴰⵙⵎⵙⴰⵙⴰ ⵏ ⵓⵙⴰⵢⵔⴰⵔ ⵏ ⵓⵏⴽⵔⵓⴼ ⴰⵎⵣⵡⴰⵔ ⵏ ⵜⵣⵎⴰⵎⵎⴰⵔⵜ, ⵏⵏⵉ ⵖ ⵙⵙⵏⵜⵉⵏⵜ ⵜⵡⵓⵔⵉⵡⵉⵏ ⴳ ⴱⵕⴰⵢⵕ 2020 ;
ⵜⴰⴽⵏⵏⴰⵡⵜ ⵏ ⵓⵖⵣⵓ ⴰⵎⵣⵡⴰⵔ ⵏ ⵓⴳⴷⵣ ⴷ ⵓⵙⵎⵙⴰⵙⴰ ⵏⵏⵙ ⴰⴷ ⵉⴳ ⴰⵙⴰⵢⵔⴰⵔ ⵏ ⵜⵎⴽⵜⵉⵜ ⴷ ⵓⵙⴳⴷⴷ ⵏ ⵓⵎⴰⵍⴰⴷ ⴰⵎⴳⵔⵓ ⵏ ⵉⵎⵣⴷⴰⵖⵏ ⴷ ⵓⵙⵏⴼⵍ ⵏⵏⵙ ⵙ ⵜⵏⵇⵇⵉⴹⵜ ⵏ ⵓⵍⴷⴰⵢ ⴷ ⵓⵙⴷⵓⵙ ⵏ ⵉⵙⴰⴽⴰⵜⵏ ⵏ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴷⴰⵎⵙⴰⵏⵜ ⵉⵣⴷⵉⵏ ⵙ ⵓⵖⴰⵡⴰⵙ ⵏ ⵓⵙⵖⵔⵜ ⴷ ⵓⵙⵉⵜⴳ ⵏ ⵜⴳⴰⴷⵉⵔⵉⵏ ⴷ ⵉⵖⵔⵎⴰⵏ ;
- ⵜⵓⵚⴽⴰ ⵏ ⵜⵙⵏⵏⵉⵖⵜ ⵏ ⵍⵃⵓⵙⵉⵎⴰ ⵏⵏⵉ ⵔⴰⴷ ⵢⴰⵡⵙ ⴳ ⵓⵙⵉⵜⴳ ⵏ ⵜⵢⴰⴼⵓⵜ ⵜⴰⴷⵍⵙⴰⵏⵜ ⵏ ⵜⵙⴳⴰ ⵙ ⵓⴼⵔⴰⴳ ⵏ ⵉⵙⵓⴳⴰⵎ ⵉⴷⵍⵙⴰⵏⵏ ⴷ ⵓⵙⴷⵓⵙ ⵏⵏⵙⵏ ⴷ ⵡⴰⵏⵏⴰⵍ ⵏ ⵓⵔⵣⵣⵓ ⴳ ⵓⵎⵣⵔⵓⵢ ⴷ ⵓⵙⵡⵓⴷⴷⵓ ⵏ ⵜⵖⴰⵔⴰⵙⵉⵏ ⵏ ⵜⵡⵓⵔⵉ ⵏ ⵡⴰⵍⴰⵙ ⵏ ⵜⴽⵏⵏⴰⵡⵜ ⴷ ⵜⵓⵚⴽⴰ ⵏ ⵜⵎⴽⵜⵉⵜ ⵉⵛⵛⴰⵔⵏ ⴷ ⵓⵙⴷⵓⵙ ⵏ ⵜⵉⵏⴷⵉⵜⵉⵏ ⵏ ⵜⵓⵙⵏⵜ ⵉⵜⵜⵓⵙⵙⵓⵜⵉⵢⵏ ⵙ ⵜⴷⵔⵓⵜ ⴷ ⵓⵎⵢⴰⵏⴰⵡ ⵏ ⵉⵎⵓⵖⵍⵏ ⵏ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ ;
- ⵜⴰⵏⵟⵟⵓⴼⵜ ⵏ ⵉⵙⵎⴹⴰⵍ ⵏⵏⴰ ⴳ ⵍⵍⴰⵏ ⵉⵔⵔⵎⵉⵎⵏ ⵏ ⵡⵓⵏⴳⵉⵙⵏ, ⴳ ⵓⵙⵎⴹⵍ ⵏ ⵡⵓⵏⴳⵉⵙⵏ ⵏ ⵓⵏⵖⵓⴱⵓ ⵓⵛⵛⵉⵍ ⴳ ⵜⵖⵔⵎⵜ ⵏ ⵉⵎⴳⵓⵏⵏ ⴷ ⵓⵙⵎⴹⵍ ⵏ ⵡⵓⵏⴳⵉⵙⵏ ⵏ ⵉⵎⵊⵕⵉⵜⵏ ⵏ ⵢⵓⵏⵢⵓ 1981 ⴳ ⵜⴳⵎⵎⵉ ⵜⵓⵎⵍⵉⵍⵜ ⴷ ⵓⵙⵎⴹⵍ ⵏ ⵡⵓⵏⴳⵉⵙⵏ ⵏ ⵉⵎⵊⵕⵉⵜⵏ ⵏ ⵉⵏⵏⴰⵢⵔ 1984 ⴳ ⵏⵏⴰⴹⵓⵕ, ⴳ ⵓⵎⵏⴰⴷ ⵏ ⵓⵙⵔⵓⵙ ⵏ ⵢⴰⵏ ⵓⵙⴰⴽⴰ ⴰⵎⵙⵉⴷⴼ ⵏ ⵉⵙⴰⵢⵔⴰⵔⵏ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴳ ⵡⴰⴽⴰⵍ ⴰⴽⴽⵯ ⴰⵏⴰⵎⵓⵔ.
2. ⴰⵙⵔⵓⵙ ⵏ ⵜⵙⵏⵏⵉⵖⵜ ⵜⴰⵏⴰⵎⵓⵔⵜ ⵏ ⵓⵎⵣⵔⵓⵢ, ⴳ ⵓⵙⴰⵜⵉ ⵏ ⵉⵙⵖⵏⵓⵜⵏ ⵏⵏⴰ ⵉⵣⴷⵉⵏ ⴷ ⵓⵙⴳⴳⴷ ⵏ ⵓⵎⴰⵍⴰⴷ ⴰⵎⴳⵔⵓ ⵉ ⵜⵡⵉⵙⵉ ⴳ ⵓⵙⴽⴰⵔ ⵏ ⵜⵎⴽⵜⵉⵜ ⵜⴰⵎⴳⵔⵓⵜ ⵙ ⵓⵙⵏⵜⵉ ⵙⴳ ⵜⵖⵓⵔⵉⵡⵉⵏ ⵜⵉⵎⵏⵏⴰⵡⵉⵏ ⴷ ⵜⵎⵣⴰⵔⴰⵢⵉⵏ ⵏ ⵓⵎⵣⵔⵓⵢ ⵏ ⵍⵎⵖⵔⵉⴱ ⵏ ⵖⵉⵍⴰⴷ, ⵙ ⵜⵡⵉⵍⴰ ⵉⵥⵍⵉⵏ, ⴷ ⵓⵎⵣⵔⵓⵢ ⵏ ⵍⵎⵖⵔⵉⴱ, ⵙ ⵜⵡⵉⵍⴰ ⵜⴰⵎⴰⵜⴰⵢⵜ ;
3. ⴰⵕⵥⵥⵓⵎ ⵏ ⵉⵎⵛⴰⵡⴰⵕⵏ ⴰⴽⴷ ⵜⵎⵔⵙⴰⵍ ⵏⵜⴰⵢⵏⵉⵏ ⵃⵎⴰ ⴰⴷ ⵜⵜⵡⴰⵙⵔⵓⵙ ⵜⵙⵏⵏⵉⵖⵜ ⵜⴰⵏⴰⵎⵓⵔⵜ ⵏ ⵜⵎⵣⵡⴰⴳⵜ ⵙ ⵎⴰⴷ ⵉⵃⵟⵟⵓⵏ ⴰⵣⵔⴼ ⵏ ⵉⵎⵣⵡⴰⴳⵏ ⵉⵎⵖⵔⵉⴱⵉⵢⵏ ⴳ ⵓⴼⵔⴰⴳ ⵏ ⵜⵎⴽⵜⵉⵜ ⵏⵏⵙⵏ ⴷ ⵡⴰⵍⴰⵙ ⵏ ⵓⵙⴰⵜⵉⴳ ⵏ ⵜⵉⵍⵉⵜ ⵏⵏⵙⵏ ⵜⴰⵎⴰⵏⴰⵡⵜ ⴷ ⵜⵏⵎⵢⴰⵙⵜ ⵉⴽⴽⴰⵏ ⵓⴳⴳⴰⵔ ⵏ ⵜⴰⵙⵓⵜ ⴳ ⵜⵎⵉⵣⴰⵔ ⵏ ⴱⵕⵕⴰ ;
4. ⴰⵙⵔⵓⵙ ⵏ ⵓⴼⵔⴷⵉⵙ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵓⵏⵀⵍⵍⴰ ⵙ ⵓⵎⵣⵔⵓⵢ ⴰⵎⵖⵔⵉⴱⵉ, ⵙ ⵜⵓⴳⵜ ⵉⵎⵓⵖⵍⵏ ⵏⵏⵙ, ⵃⵎⴰ ⴰⴷ ⵢⵉⵍⵉ ⵓⵙⵎⵀⵍ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵉⵣⴷⵉⵏ ⴷ ⵜⵎⴽⵜⵉⵜ ⴷ ⵜⵏⴽⵔⴰ ⵙ ⵓⵎⵣⵔⵓⵢ.
